Ямар ч эд баялгийг хураахгүй
Ямар ч хүнд атаархаж шаналахгүй
Ямар ч үед зовж дэнслэхгүй
Яг л тэнэг хүн шиг амьдрахсан

...

Шууд холбоос

Хайрт минь би чиний инээдээр сэтгэлээ гоёж залууждаг
Хайрт минь би чиний сэтгэлээр амьдралаа чимж гэгээрдэг
Хайрт минь би чиний хайраар заяагаа тэгшилж дээшилдэг
Хайрт минь би чиний итгэлээр гэрээ дүүргэж жаргадаг
Хорвоогийн цэцэгс чи бидэн хоёрт өнгө нэмж дэлбээлдэг
Холын одод чи бидэн хоёрт гэрэл нэмж гялалздаг
Орчлонгийн уулс чи бидэн хоёрт жаргал нэмж дуниартдаг
Огторгуйн үүлс чи бидэн хоёрт баясал нэмж өртөөлдөг

...

Шууд холбоос

   

Дурлалын тамгатай хүзүүнээс

Дусал нулимс зүүгдэнэ

Хилгий бүрэлдсэн ухаанаас

Хэцүүдсэн гутрал урсана

Уруулын хээтэй цамцнаас

Утгагүй сэжүүр орооцолдоно

Ээдэж  гашилсан бодлоос

Эмтэрсэн тавьлан уйлна

Сэвэлзсэн хөнгөн харцнаас

Сэмэрсэн сэтгэл булингартана

Хагацаж хаягдсан зүрхнээс

Хагарсан хайр ёолно

                                   2014 оны 4 дүгээр сар 28 Б.Бүжинлхам

...

Шууд холбоос

   

 

Хүн чанарын сүүдэрт

Могой өндөглөжээ

Там гэлдэрнэ

 

Хилэнц нүгэлийн ухархайд

Харуусал сүүдэрлэжээ

Диваажин наашилна

 

Хүн чанарын сэнтийд

Хэрээ заларчээ

Мөхөл үнэртэнэ

 

Өш хонзонгийн нударганаас

Өршөөл зууралдана

Нулимс тунгалагшина

2014 оны 4 дүгээр сар 22 /Б.Бүжинлхам/

Шууд холбоос

 Хүй цөглөсөн бууцны халуун илчээс

Хөхөл даахитай үрсийн гэгээн инээдээс
Мэргэдийн мэлмийд цэцэлсэн анир амгалангаас
Мэндийн чавхдасанд хөглөгдсөн утга уянгаас
Бид итгэл авч яг л модод шиг ургана

Онгод хурайлан омогших ариун сургаалаас
Орчлонг аргадан залбирах сүүн цацлаас
Ухаан нь хотолсон мэргэдийн билиг ерөөлөөс
Уулс нь бөхөлзөн өндөлзөх нутгийн тэнхээнээс
Бид адис авч яг л хүлэг морь шиг хурдална

Нярайлж нялхрах хорвоогийн алтан хормойноос
Нягтарч дотогшлох бодлын хөлчүү хэлхээнээс
Урсан мяралзах цагийн давчуу хүрдээс
Уянгалан бүүвэйлэх ертөнцийн торгон эгшгээс
Бид эх авч яг л тэнгис шиг давалгаална

Сэмэ...

Шууд холбоос

 Хайр 

Хавар шиг нахиалж
Намар шиг хагдарна

Хайр
Бороо шиг шивэрч
Шуурга шиг хуйларна

Хайр 
Нар шиг хөгжиж
Сар шиг гиюүрнэ

Хайр
Хүүхэд шиг эрхэлж
Хөгшид шиг тунирхана

Хайр
Булаг шиг унд
Нуур шиг ширгэнэ

Хайр
Нулимс шиг эгшиж
Инээд шиг эхэлнэ

Хайр
Цаг хугацааг өртөөлж
Цай шиг дэвэрнэ

Хайр 
Хүсэл мөрөөдлийг ундаалж
Хүлэг морь шиг үүрсэнэ

Хайр
Зовлон жаргалыг хэлхэж
Зүрхэнд бүүвэй шиг ээнэгшинэ

Б.Бүжинлхам 2014 он

...

Шууд холбоос

 

Хайрт минь би чиний инээдээр сэтгэлээ гоёж залууждаг
Хайрт минь би чиний сэтгэлээр амьдралаа чимж гэгээрдэг
Хайрт минь би чиний хайраар заяагаа тэгшилж дээшилдэг
Хайрт минь би чиний итгэлээр гэрээ дүүргэж жаргадаг
Хорвоогийн цэцэгс чи бидэн хоёрт өнгө нэмж дэлбээлдэг
Холын одод чи бидэн хоёрт гэрэл нэмж гялалздаг
Орчлонгийн уулс чи бидэн хоёрт жаргал нэмж дуниартдаг
Огторгуйн үүлс чи бидэн хоёрт баясал нэмж өртөөлдөг

2014 он Б.Бүжинлхам

...

Шууд холбоос

Гэгээнтэн гэж  гайхаж ангайж  зогсмоор

Гэгээнтэн гэж   газар сөгдөн мөргөмөөр

Гэгээнтэн гэж гэрэл цацарч биширмээр

Гэгээнтэн гэж  хүндэлж хайрлаж  ухаармаар

 Гэгээнтэн та дуулмаар  дээдэлмээр гавьяатай  хүн

Гэгээнтэн та   уншмаар бичмээр агуу бүтээл

Гэгээнтэн та зуунаас дуунаас ч урт настай

Гэгээнтэн та     нарнаас сарнаас ч гэрэл гэгээтэй

Гэгээнтэн  бидний өршөөл өглөгийн  ариун бурхан

Гэгээнтэн бидний  учрал ухаарлын нандин суврага

Гэгээнтэн бидний ачлал энэрэлийн  гэгээн шүтээн

Гэгээнтэн бидний   сүсэглэл бишрэлийн   нууцхан  залбирал

Гэгээнтэн гэхээр  аялгуу сайхан  дуунд бүү...

Шууд холбоос

Гэгээнтэн гэж  гайхаж ангайж  зогсмоор

Гэгээнтэн гэж   газар сөгдөн мөргөмөөр

Гэгээнтэн гэж гэрэл цацарч биширмээр

Гэгээнтэн гэж  хүндэлж хайрлаж  ухаармаар

 Гэгээнтэн та дуулмаар  дээдэлмээр гавьяатай  хүн

Гэгээнтэн та   уншмаар бичмээр агуу бүтээл

Гэгээнтэн та зуунаас дуунаас ч урт настай

Гэгээнтэн та     нарнаас сарнаас ч гэрэл гэгээтэй

Гэгээнтэн  бидний өршөөл өглөгийн  ариун бурхан

Гэгээнтэн бидний  учрал ухаарлын нандин суврага

Гэгээнтэн бидний ачлал энэрэлийн  гэгээн шүтээн

Гэгээнтэн бидний   сүсэглэл бишрэлийн   нууцхан  залбирал

Гэгээнтэн гэхээр  аялгуу сайхан  дуунд бүү...

Шууд холбоос

Сүүдэр аргадсан ээжий минь сэтгэлээс гарсан бүүвэй нь
Сэвлэгтэй үрийнхээ заяанд нь сүүдэр уначих вий гэж үргээдэг юмаа
Санаандаа шившсэн аялгуу нь саранд хүртэл мөнхөрч
Санчигных нь үсэнд нуугдсан хяруу хүртэл
Сайхан үрийг нь сэрээчих вий гэж эмээдэг юмаа
Бүүвэй аялсан бүсгүйн дууг сонсох гэж
Бүтэн сартай шөнө хагас болж мэлмэрдэг юм
Бүсгүйн заяаг тольдсон нүдэн нуурын ус
Бүлээн болж сэтгэлд нь дулаацдаг гэнэ ээ
Хайр аргадсан ээжий минь сэтгэлээс гарсан бүүвэй нь
Хайртай үрийнхээ заяанд хагацал уначих вий гэж үргээдэг юмаа
Хоймортоо шившсэн аялгуу нь наранд хүртэл мөнхөрч
Харцных нь талимаанд...

Шууд холбоос