Ангилал: Шүлэг

Гэгээнтэн гэж  гайхаж ангайж  зогсмоор

Гэгээнтэн гэж   газар сөгдөн мөргөмөөр

Гэгээнтэн гэж гэрэл цацарч биширмээр

Гэгээнтэн гэж  хүндэлж хайрлаж  ухаармаар

 Гэгээнтэн та дуулмаар  дээдэлмээр гавьяатай  хүн

Гэгээнтэн та   уншмаар бичмээр агуу бүтээл

Гэгээнтэн та зуунаас дуунаас ч урт настай

Гэгээнтэн та     нарнаас сарнаас ч гэрэл гэгээтэй

Гэгээнтэн  бидний өршөөл өглөгийн  ариун бурхан

Гэгээнтэн бидний  учрал ухаарлын нандин суврага

Гэгээнтэн бидний ачлал энэрэлийн  гэгээн шүтээн

Гэгээнтэн бидний   сүсэглэл бишрэлийн   нууцхан  залбирал

Гэгээнтэн гэхээр  аялгуу сайхан  дуунд бүүвэй эгшиглэдэг

Гэгээнтэн гэхээр  амар амгалангийн сэтгэлд  цэцэг дэлбээлдэг

Гэгээнтэн гэхээр  ажнай хурдан хүлгийн хийморь бадардаг

Гэгээнтэн гэхээр алс холын уулс өндөлзөж суудлаа засдаг

Гэгээнтэн гэж  амьсгаа авч уужирмаар

Гэгээнтэн гэж   гэнэ гэнэхэн санаа алдмаар

Гэгээнтэн гэж  гэгэлгэн бодолдоо сэнгэнэтэл дуулмаар

Гэгээнтэн гэж  гэрэл гэгээг ертөнц даяар гийгүүлмээр  

Бямбасүрэнгийн Бүжинлхам 2012 он Дархан -Уул